երեքշաբթի, 7 հոկտեմբերի 2008
ՀՀ վարչապետ Տիգրան Սարգսյանը հոկտեմբերի 9-15-ը աշխատանքային այցով կմեկնի ԱՄՆ` մայրաքաղաք Վաշինգտոնում հրավիրված Համաշխարհային բանկի և Արժույթի միջազգային հիմնադրամի տարեկան համաժողովին մասնակցելու նպատակով:
ՀՀ վարչապետի գլխավորած պատվիրակության կազմում են ՀՀ էկոնոմիկայի նախարար Ներսես Երիցյանը, ֆինանսների նախարար Տիգրան Դավթյանը, ՀՀ նախագահի տնտեսական հարցերով խորհրդական Վահրամ Ներսիսյանցը, ՀՀ կառավարության աշխատակազմի ղեկավար Դավիթ Սարգսյանը, ՀՀ կենտրոնական բանկի նախագահ Արթուր Ջավադյանը, ՀՀ արտաքին գործերի նախարարի տեղակալ Արման Կիրակոսյանը, ԱՄՆ-ում ՀՀ արտակարգ և լիազոր դեսպան Թաթուլ Մարգարյանը, պաշտոնատար այլ անձինք:
