Հայաստանի Հանրապետության Կառավարություն

ՀՀ-ի և ՌԴ-ի միջև տնտեսական համագործակցության հարցերով հայ-ռուսական միջկառավարական հանձնաժողովի 10-րդ նիստին մասնակցելու նպատակով, հոկտեմբերի 18-ին Հայաստան կժամանի միջկառավարական հանձնաժողովի համանախագահ, ՌԴ տրանսպորտի նախարար Իգոր Լևիտինի գլխավորած պատվիրակությունը:

Հոկտեմբերի 20-ին Իգոր Լևիտինը հանդիպում կունենա ՀՀ վարչապետ, հայ-ռուսական միջկառավարական հանձնաժողովի հայկական կողմի նախագահ Տիգրան Սարգսյանի հետ: Հանդիպմանը կհաջորդի միջկառավարական հանձնաժողովի նիստի բացումը: Այնուհետև, հանձնաժողովի հոբելյանական լիագումար նիստը կսկսի աշխատանքը: Տիգրան Սարգսյանը և Իգոր Լևիտինը կստորագրեն միջկառավարական 10-րդ նիստի Արձանագրությունը, որի նախապատրաստումն այսօրվանից սկսած կիրականացնեն երկու կողմի փորձագետները: Փաստաթղթի ստորագրման արարողությանը կհետևի հանձնաժողովի համանախագահներ, ՀՀ վարչապետ Տիգրան Սարգսյանի և ՌԴ տրանսպորտի նախարար Իգոր Լևիտինի մամուլի ասուլիսը:

                                                                                                      Ի գիտություն լրագրողների

 Հոկտեմբերի 18

14:50- ՀՀ-ի և ՌԴ-ի միջև տնտեսական համագործակցության հարցերով հայ-ռուսական միջկառավարական հանձնաժողովի համանախագահ,ՌԴ տրանսպորտի նախարար Իգոր Լևիտինի գլխավորած պատվիրակության ժամանում (նկարահանվում է)

Հոկտեմբերի 19

16:00- ՀՀ-ի և ՌԴ-ի միջև տնտեսական համագործակցության հարցերով հայ-ռուսական միջկառավարական հանձնաժողովի համանախագահներ Տիգրան Սարգսյանին և Իգոր Լևիտինին` նիստի նախապատրաստական աշխատանքներն իրականացրած երկու կողմի փորձագետների աշխատանքի արդյունքների ներկայացում աշխատանքային կարգով (չի նկարահանվում)

Հոկտեմբերի 20

09:30-09:55 ՀՀ-ի և ՌԴ-ի միջև տնտեսական համագործակցության հարցերով հայ-ռուսական միջկառավարական հանձնաժողովի համանախագահներ, ՀՀ վարչապետ Տիգրան Սարգսյանի և ՌԴ տրանսպորտի նախարար Իգոր Լևիտինի հանդիպում («Մետրոպոլ» հյուրանոց, արարողակարգային նկարահանում)

10:00- Միջկառավարական հանձնաժողովի նիստի բացում («Մետրոպոլ» հյուրանոց, նկարահանում)

12:00- ՀՀ-ի և ՌԴ-ի միջև տնտեսական համագործակցության հարցերով հայ-ռուսական միջկառավարական հանձնաժողովի 10-րդ նիստի Արձանագրության ստորագրման արարողություն (արարողակարգային նկարահանում)

12:30 -12:40 - ՀՀ-ի և ՌԴ-ի միջև տնտեսական համագործակցության հարցերով հայ-ռուսական միջկառավարական հանձնաժողովի համանախագահներ, ՀՀ վարչապետ Տիգրան Սարգսյանի և ՌԴ տրանսպորտի նախարար Իգոր Լևիտինի համատեղ մամուլի ասուլիս