հինգշաբթի, 29 հունվարի 2009
ՀՀ վարչապետ Տիգրան Սարգսյանը շնորհավորական ուղերձ է հղել Տիգրան Մանսուրյանին` ծննդյան 70-ամյակի առիթով։ Ուղերձում, մասնավորապես, ասված է.
«Մեծարգո Տիգրան Մանսուրյան,
Ջերմորեն շնորհավորում եմ Ձեզ ծննդյան 70-ամյակի բարեբաստիկ առիթով։ Ավելի քան կես դար Դուք Ձեր տաղանդը ծառայեցնում եք հայ մշակույթի առաջընթացին։ Ձեզ հաջողվել է կերտել հայի մտածողությունն ու էությունն արտացոլող, միաժամանակ համաշխարհային երաժշտության ամենաբարձր չափանիշները բավարարող բազմաժանր ինքնատիպ գործեր` սնվելով ազգային հոգևոր երգի ու երաժշտության ակունքներից։
Հայոց նորանկախ պետականության դժվարին ճանապարհին մեր ժողովրդին ուղեկցել և ուղեկցում է Ձեր հոգեպարար երաժշտությունը։
Դուք միանգամայն արժանիորեն կրում եք ՀՀ պետական բարձրագույն պարգևները, վայելում ժողովրդի սերն ու հարգանքը։
Վերստին շնորհավորելով Ձեզ, մաղթում եմ ստեղծագործական նորանոր նվաճումներ` ի շահ հայ մշակութասեր ժողովրդի»։
