Հայաստանի Հանրապետության Կառավարություն

ՀՀ վարչապետ Տիգրան Սարգսյանն այսօր Երևանում, Սերբիայի Հանրապետության նախագահի կեցավայրում հանդիպում է ունեցել և նախաճաշել է նախագահ Բորիս Տադիչի հետ։
Հանդիպման ընթացքում քննարկվել են հայ-սերբական հարաբերությունների զարգացմանը, տարբեր բնագավառներում համագործակցության հնարավոր ուղիներին առնչվող հարցեր։ Խոսելով միջկառավարական հարաբերություններն ամրապնդելու անհրաժեշտության մասին, զրուցակիցները կարևորել են համագործակցության հնարավորությունները բացահայտելու նպատակով փոխադարձ շփումների ու գործարար կապերի հաստատումը։ Երկկող հարաբերությունների համար առավել հեռանկարային են համարվել գյուղատնտեսության, գյուղմթերքների վերամշակման ոլորտները։ Հայ-սերբական դարավոր բարեկամությունը, մշակութային կապերի աշխուժացումը լավ հիմք կհանդիսանան երկու երկրների հարաբերություններին նոր որակ հաղորդելու գործում։
Հանդիպումն անցել է ջերմ բարեկամական մթնոլորտում։