Հայաստանի Հանրապետության Կառավարություն

Հայաստանի Հանրապետության վարչապետ Տիգրան Սարգսյանն այսօր մասնակցել է PanАrmenian Expo -2009 ցուցահանդեսի բացմանը` Երևանի Կ. Դեմիրճյանի անվան մարզահամերգային համալիրում։ Կառավարության ղեկավարին ուղեկցել են ֆինանսների նախարար Տիգրան Դավթյանը, սփյուռքի նախարար Հրանուշ Հակոբյանն ու պաշտոնատար այլ անձինք։ Բացման արարողությունից հետո Տիգրան Սարգսյանը շրջել է ցուցասրահներով, ծանոթացել է ներկայացված տեղական ու արտասահմանյան կազմակերպությունների առաջարկած ապրանքներին ու ծառայություններին, զրուցել ընկերությունների ներկայացուցիչների հետ։
PanАrmenian Expo -2009-ը կազմակերպել են Սփյուռքի նախարարությունը և Հայաստանի առևտրաարդյունաբերական պալատը։
Ցուցահանդեսը կտևի մինչը հոկտեմբերի 25-ը։