ուրբաթ, 22 հունվարի 2010
Կառավարությունում շարունակվում են նախարարական հաշվետվությունների լսումները
Այսօր կառավարությունում շարունակվել է ՀՀ նախարարությունների և ՀՀ կառավարությանն առընթեր մարմինների ղեկավարների 2009 թվականի գործունեության հաշվետվությունների ներկայացումը։ Վարչապետը կարևորել է 2009 թվականի արդյունքների և բացթողումների քննարկումը և 2010 թվականի առաջնահերթ խնդիրները` ընդգծելով դրանց նախարարների անմիջական հսկողության տակ գտնվելու հանգամանքը։
Հաշվետվությամբ հանդես են եկել ՀՀ տարածքային կառավարման, մշակույթի, պաշտպանության նախարարները և Ջրային տնտեսության պետական կոմիտեի նախագահը, ՀՀ ազգային անվտանգության ծառայության, ՀՀ ոստիկանության ղեկավարները։ Գերատեսչությունների ղեկավարներն անդրադարձել են հաշվետու տարում իրենց ղեկավարած մարմինների խնդիրներին և թերացումներին։
Վարչապետը հանձնարարականներ է տվել առկա խնդիրների լուծման համար։
