Հայաստանի Հանրապետության Կառավարություն

Վարչապետ Տիգրան Սարգսյանն այսօր ընդունել է Հայաստանի Հանրապետությունում Իսրայելի պետության դեսպան Շեմի Ցուրին։ Վարչապետը ողջունել է հյուրին և շնորհակալություն հայտնել կատարած աշխատանքի համար։
Կառավարության ղեկավարը կարևորել է հայ-իսրայելական հարաբերությունների զարգացման մեծ ներուժը։
Անդրադառնալով համագործակցության ընդլայնման հեռանկարներին` Տիգրան Սարգսյանը նշել է, որ Հայաստանը շահագրգռված է Իսրայելի հետ համագործակցության խորացմամբ և ընդլայնմամբ։ Փոխադարձաբար կարևորվել են փորձի փոխանակումը գյուղատնտեսության, առողջապահության, մշակույթի ու սփյուռքի ոլորտներում և համատեղ ծրագրերի մշակումը։
Զրուցակիցներն անդրադարձել են նաև տարածաշրջանային խնդիրներին։
Հանդիպման ավարտին վարչապետը դեսպանին հաջողություն է մաղթել հետագա գործունեության ընթացքում։