երեքշաբթի, 10 օգոստոսի 2010
Վարչապետ Տիգրան Սարգսյանի շնորհավորական խոսքը Իսահակ Իսահակյանի ծննդյան օրվա կապակցությամբ
Հարգելի Իսահակ Աբասի,
Սրտանց շնորհավորում եմ Ձեզ ծննդյան տոնի կապակցությամբ:
Դուք այն եզակի անձանցից եք, ովքեր կարողացել են իրենց լավագույնս դրսևորել կյանքի բոլոր ասպարեզներում: Անհնարին է գտնել որևէ մեկին, ով չունենա խորը հարգանք Ձեր նկատմամբ: Սկսած ՀՀ-ում ազգային արժույթի ներդրումից մինչև Հայաստանում բանկային համակարգի կայունացումը, և բացառիկ ցուցանիշները, որ արձանագրել է մեր երկիրը` անմիջականորեն կապված են Ձեր անվան հետ:
Վստահաբար, մեր հասարակությունում մեծ է Ձեր մարդկային տեսակն ու արժանիքները կրող անձնաց կարիքը, ովքեր վստահություն են ներշնչում, ում խոսքն ունի մեծ կշիռ ու հեղինակություն, ովքեր լավատեսորեն են նայում դեպի ապագան:
Կրկին շնորհավորելով Ձեր ծննդյան տարեդարձը` մաղթում եմ քաջառողջություն և երկար տարիների կյանք:
