երեքշաբթի, 9 օգոստոսի 2011
Կայացել է «Գյուղական կարողությունների ստեղծում» ծրագրի ղեկավար խորհրդի հերթական նիստը
Կառավարությունում այսօր կայացել է «Գյուղական կարողությունների ստեղծում» ծրագրի ղեկավար խորհրդի հերթական նիստը, որը վարել է վարչապետ, խորհրդի նախագահ Տիգրան Սարգսյանը։
Նիստում անցկացված մրցույթի արդյունքում խորհուրդը «Հայկական միրգ» բաժնետիրական ընկերության գործադիր տնօրենի պաշտոնում հաստատել է Ալվինա Ավագյանին:
Այնուհետև խորհուրդը քննարկել և հաստատել է «Հայաստանի Հանրապետության Տավուշի մարզի Բերդ, Թովուզ, Վերին Կարմիրաղբյուր, Ներքին Կարմիրաղբյուր և Մովսես համայնքների ներտնտեսային ոռոգման ցանցերի վերականգնում» ծրագրի աշխատանքներին լրացուցիչ միջոցներ հատկացնելու հարցը: Ծրագրի աշխատանքները նախատեսվում է ավարտել այս ամիս:
Խորհուրդը որոշում է կայացրել նաև ՀՀ Արագածոտնի մարզի Օհանավան և Վայոց Ձորի մարզի Արփի համայնքների գազաֆիկացման աշխատանքները` «Գյուղական կարողությունների ստեղծում» ծրագրի 2011-2015 թթ. համար ընտրված համայնքների ցանկում ընդգրկելու մասին:
