Հայաստանի Հանրապետության Կառավարություն

ՀՀ վարչապետ Անդրանիկ Մարգարյանն այսօր ընդունել է Իրանի Իսլամական Հանրապետության տեղեկատվության նախարար Ալի Յունեսիին և նրա գլխավորած պատվիրակությանը:

Կողմերը քննարկել են երկու պետությունների միջև տնտեսական հարաբերությունների հետագա զարգացման, մասնավորապես, էներգետիկայի, գիտության, կրթության, զբոսաշրջության և այլ ոլորտներում համագործակցության խթանման, արդյունաբերական և գյուղատնտեսական նախագծերի իրականացման հետ կապված խնդիրներ՝ ընդգծելով հատկապես երկու երկրների գործարարների միջև կապերի ակտիվացման, ներդրումների և դրանց անվտանգության ապահովման կարևորությունը:

Զրույցի ընթացքում անդրադարձ է եղել նաև տարածաշրջանում կայունության և խաղաղության պահպանման անհրաժեշտությանը, ինչը տնտեսական համատեղ ծրագրերի արդյունավետ իրականացման համար ևս կարևոր պայման է: