հինգշաբթի, 7 մարտի 2013
Կապահովվի Հայաստանի գործարար միջավայրի բարելավման շարունակականությունը
ՀՀ կառավարությունն այսօրվա նիստում հաստատել է Հայաստանի գործարար միջավայրի բարելավման 2013 թվականի միջոցառումների ծրագիրը, որի նպատակն է նպաստել բիզնես սկսելու և զարգացնելու համար պահանջվող վարչարարական ընթացակարգերի պարզեցմանը, փոքր և միջին ձեռնարկությունների արագորեն աճի խթանմանը, արտաքին առևտրի խթանմանը, և այլն:
Ինչպես ՀՀ կառավարության մամուլի կենտրոնում նիստից հետո կայացած ասուլիսում հայտնել է ՀՀ էկոնոմիկայի նախարար Տիգրան Դավթյանն, ակնկալվում է, որ իրականացվող բարեփոխումների արդյունքում կապահովվի Հայաստանի գործարար միջավայրի բարելավման շարունակականությունը: Այդ նպատակով առաջարկվում է իրականացնել արագ և լայնամասշտաբ բարեփոխումներ: Իրականացվող բարեփոխումները պետք է զգալիորեն բարձրացնեն Հայաստանի գլոբալ մրցունակությունը և արդյունքում բարելավեն Հայաստանի դիրքը Հայաստանը Համաշխարհային Բանկի «Գործարարությամբ զբաղվելը» դասակարգման մեջ:
