հինգշաբթի, 16 ապրիլի 2015
ՀՀ կառավարությունը հավանություն է տվել արտոնագրային գործունեության համար սահմանված օրենսդրությունը պարզեցնելու առաջարկին
ՀՀ կառավարությունը հավանություն է տվել «Արտոնագրային վճարների մասին» և ևս մոտ մեկուկես տասնյակ օրենքներում փոփոխություններ և լրացումներ կատարելու օրենքների նախագծերի փաթեթին, որն ուղղված է ոլորտի կարգավորմանը և բիզնես գործունեություն ծավալելու պայմանների բարելավմանը: Ինչպես ՀՀ կառավարության մամուլի կենտրոնում նիստից հետո կայացած ասուլիսում նշել է Օրենսդրության կարգավորման ազգային կենտրոնի տնօրեն Արմեն Եղիազարյանը, իմաստային առումով օրենքը բաղկացած է երկու տարբեր մասերից: Առաջին մասով արտոնագրային վճարներ են սահմանվում ֆիզիկական անձանց, այդ թվում՝ Ա/Ձ-ների կողմից իրականացվող գործունեության որոշ տեսակների, իսկ մյուս մասով՝ իրավաբանական անձանց և անհատ ձեռնարկատերերի կողմից իրականացվող գործունեության լրիվ այլ տեսակների համար:
Ըստ Ա.Եղիազարյանի, առաջարկվում է առաջին խմբի համար սահմանել տեղական նոր հարկատեսակ՝ արտոնագրային հարկ:
Առաջարկում է նաև հանել շահութահարկի հաշվարկ ներկայացնելու պարտավորությունը բացառապես արտոնագրային վճարներով հարկվող գործունեության տեսակներով զբաղվողների համար:
