հինգշաբթի, 30 ապրիլի 2015
Որոշ ապրանքների պարտադիր դրոշմապիտակավորումը հետաձգվեց մեկ ամսով
«Առևտրի և ծառայությունների մասին» օրենքի համաձայն մի շարք ապրանքներ ենթակա են պարտադիր դրոշմապիտակավորման: Գործող օրենքով ս.թ. մայիսի 1-ից դրոշմապիտակով պետք է պիտակավորվեն վիտամինը, պատվաստանյութը, դեղը, օծանելիքը և այլ ապրանքներ:
Ինչպես այսօր կառավարության մամուլի սրահում նիստից հետո կայացած մամուլի ասուլիսում նշել է ՀՀ ֆինանսների փոխնախարար Վախթանգ Միրումյանը, դեռևս կան ՓՄՁ-ներ, որոնք այդ ապրանքները չեն իրացրել: ՀՀ կառավարությունը հավանություն է տվել «Առևտրի և ծառայությունների մասին» օրենքում լրացում կատարելու օրինագծին, որով ՓՄՁ-ներին հնարավորություն է տրվում մինչև հունիսի 1-ը իրացնելու առանց դրոշմապիտակի ապրանքները:
