հինգշաբթի, 30 ապրիլի 2015
Մայիսին ոռոգման ջուրը կմատակարարվի առանց հասույթ ձևավորելու
ՀՀ կառավարության այսօրվա նիստում ընդունվել է համապատասխան որոշում, որը հնարավորություն կտա ջրօգտագործողների 80 հազար հա հողատարածություններին ոռոգման ջուրը մատակարարել անհատույց: Ինչպես նիստից հետո կառավարության մամուլի կենտրոնում կայացած ասուլիսում նշել է ՀՀ գյուղատնտեսության նախարարության ջրային տնտեսության պետական կոմիտեի նախագահ Արամ Հարությունյանը, որոշվել է մայիս ամսվա ընթացքում գետերի վարարումների հետևանքով հեղեղումը կանխելու նպատակով «Սևան-Հրազդանյան-ջրառ» և «Ախուրյան –Արաքս-ջրառ» ՓԲԸ-ներին թույլատրել ջուրը մատակարարել առանց հասույթ ձևավորելու, ինչը դա կարևորագույն աջակցություն է հողօգտագործողներին:
