չորեքշաբթի, 16 սեպտեմբերի 2015
«Հայաստան» ներդրումային համաժողով 2016»-ը բարենպաստ հարթակ կհանդիսանա արդյունավետ համագործակության համար
ՀՀ կառավարությունն Ասիական զարգացման բանկի աջակցությամբ, «Ամերիա» և ամերիկյան «Պրագմա» խորհրդատվական ընկերությունների հետ համագործակցությամբ նախաձեռնել է «Հայաստան» ներդրումային համաժողով 2016»-ի իրականացումը, որը տեղի կունենան 2016թ. սեպտեմբերին Նյու Յորքում:
Կառավարության մամուլի կենտրոնում այսօր կայացած ասուլիսում մանրամասներ են ներկայացվել համաժողովի մասին: Նշվել է, որ համաժողովը բարենպաստ հարթակ կհանդիսանա անդրազգային կորպորացիաների, ներդրումային կազմակերպությունների, ֆինանսական կառույցների, բանկերի և հայաստանյան հանրային և մասնավոր հատվածների ղեկավարների միջև հնարավոր արդյունավետ համագործակություն նախաձեռնելու համար: Համաժողովին կնախորդեն նախամեկնարկային տարածաշրջանային շնորհանդեսներ, որոնք կկազմակերպվեն համաշխարհային խոշոր ֆինանսական կենտրոններում՝ տվյալ տարածաշրջանի ներդրողների համար:
