հինգշաբթի, 28 սեպտեմբերի 2017
Ներկայացվել է արդարադատության նախարարության գործունեության տարեկան հաշվետվությունը
ՀՀ արդարադատության նախարար Դավիթ Հարությունյանը սեպտեմբերի 28-ին ՀՀ կառավարության մամուլի կենրոնում կայացած ասուլիսում ներկայացրել է նախարարության գործունեության տարեկան հաշվետվությունը:
Նախարարն անդրադարձել է կոռուպցիայի կանխարգելման ոլորտում կատարված աշխատանքներին՝ առանձնացնելով 7 յոթ կարևոր քայլերը. ապօրինի հարստացման քրեականացում, կոռուպցիայի դեմ պայքարի խորհրդի կազմավորման սկզբունքների վերանայում, Կոռուպցիայի դեմ պայքարի խորհրդի կազմի ընդլայնում՝ ընդգրկելով առավել մեծ թվով հասարակական կազմակերպությունների, հայտարարագիր ներկայացնելու պարտականություն ունեցող պաշտոնատար անձանց շրջանակի հստակեցում և ընդլայնում, հայտարարագրման համակարգի բարեփոխում, շահերի հայտարարագրման և ազդարարարի ինստիտուտների ներդրում:
Նախարար Հարությունյանը ներկայացրել է նաև գերատեսչության կողմից 2017 թվականին ներդրված էլեկտրոնային ժողովրդավարության մի շարք գործիքները՝ իրավական ակտերի նախագծերի հրապարակման միասնական www.e-draft.am կայք, e-notary Էլեկտրոնային համակարգի արդիականացման աշխատանքներ, գործարկված թեժ գծի www.e-hotline.am կայք և էլեկտրոնային ապոստիլի www.e-apostille.am համակարգ, որը հնարավորություն է ընձեռում փաստաթղթերն ապոստիլով վավերացնելու դիմումներն ընդունել էլեկտրոնային եղանակով:
