երեքշաբթի, 20 փետրվարի 2018
Դավիթ Հարությունյանը ներկայացրել է ՀՀ արդարադատության նախարարության 2017 թվականի գործունեության արդյունքները
Հայաստանի Հանրապետության արդարադատության նախարար Դավիթ Հարությունյանն այսօր ՀՀ կառավարության մամուլի կենտրոնում կայացած մամուլի ասուլիսին ներկայացրել է նախարարության 2017 թվականի գերակա խնդիրների կատարման և միջոցառումների իրականացման արդյունքները:
Դավիթ Հարությունյանը, մասնավորապես, անդրադարձել է նախարարության կողմից մշակված Սահմանադրությունից բխող օրենքների ցանկին, կոռուպցիայի դեմ պայքարի շրջանակում կատարված աշխատանքին, քաղաքացիների հետ շփման նոր մշակույթի ձևավորմանը: Նախարարը ներկայացրել է նաև ԴԱՀԿ ծառայության իրավական բարեփոխումներին, մարդու իրավունքների պաշտպանությանն ուղղված աշխատանքները:
