հինգշաբթի, 27 մայիսի 2010
ՀՀ կառավարությունը քայլեր է ձեռնարկում բիզնես միջավայրի կատարելագործման ուղղությամբ
Կառավարության նիստում այսօր հավանության է արժանացել հարկային օրենսդրությունում փոփոխություններ կատարելու մասին որոշման նախագիծը: Նիստին հաջորդել է ՀՀ կառավարության մամուլի կենտրոնում կազմակերպված մամուլի ասուլիսը, որի բնախոսն էր ՀՀ պետեկամուտների կոմիտեի նախագահի տեղակալ Ռուբիկ Քոչարյանը: Նա նշել է, որ օրենսդրական փոփոխությունն ուժի մեջ մտնելուց հետո բավականին կդյուրացվի բիզնեսի գրանցման գործընթացը: Մասնավորապես, եթե նախկինում հարկ վճարողը բիզնեսը գրանցելու համար համապատասխան փաստաթղթեր էր ներկայացնում պետռեգիստրի ստորաբաժանում: Դրանից բացի մեկ ամսվա ընթացքում պետք է ներկայանար հարկային մարմին հաշվառման կանգնելու նպատակով: Ռ. Քոչարյանի խոսքով, օրենսդարական փոփոխության արդյունքում “մեկ պատուհանի” սկզբունքն է գործելու: Պետռեգիստրում իրականացվելու է նաև հաշվառման գործընթացը: Օրենսդրական փոխությամբ չեն տուգանվի նաև հարկ վճարողները, քանի որ եթե նախկինում պետռեգիստրում գրանցվելուց հետո մեկ ամսվա ընթացքում գործարարը չէր ներկայանում հարկային մարմին, ապա ենթարկվում էր վարչական պատասխանատվության:
