Հայաստանի Հանրապետության Կառավարություն

Լսել աուդիոնյութը

Այսօր ՀՀ կառավարության մամուլի կենտրոնում տեղի է ունեցել Հայաստանի Հանրապետության Էկոնոմիկայի նախարարի տեղակալ Արա Պետրոսյանի մամուլի ասուլիսը։ Նա անդրադարձել է 2009թ. ապրիլին կառավարության նախաձեռնությամբ «Ավելացրած արժեքի մասին» օրենքում կատարված փոփոխությանը, որով 300 մլն դրամ և ավել ներդրումներ կատարելու դեպքում ընկերությունների կողմից վճարվելիք ավելացրած արժեքի հարկի գումարների վճարման ժամկետները հետաձգված է երեք տարի ժամկետով։ Այդ քայլը կառավարությունը նախաձեռնել էր հակաճգնաժամային ծրագրի շրջանակներում, որը նպատակաուղղված է եղել ճգնաժամի ազդեցության դեմ պայքարին և դրա հետևանքները նվազեցնելուն։ Հայտ ներկայացրած 9 ընկերություններից 8-ին տրամադրվել է այդ արտոնությունը։
Արտոնությունը տրամադրելիս հաշվի են առնվել մի քանի հիմնական չափանիշներ` ընկերությունը պետք է ունենա 300 մլն և ավելի դրամ ներդրումային հնարավորություն, ապահովի նվազագույնը 50 աշխատեղեր։ Իր խոսքում Արա Պետրոսյանը նշել է, որ կառավարության այդ նախաձեռնությունից օգտվել է 8 կազմակերպություն` «Նատֆուդ», «Շամբ Բիզնես», «Յուքոմ», Արաքս թռչնաֆաբրիկա», «Իստեյտ մենեջմենթ ընդ ադմինիստթեյշն քոմփանի», «Գոլդն Գրեյփ Արմաս», «Բիգա», «Սարանիստ»։ Այդ ընկերությունների գործունեության ոլորտները տարբեր են, որոնք առնչվում են սննդարդյունաբերությանը, զբոսաշրջությանը ինչպես նաև հեռահաղորդակցությանը։
Այս կազմակերպությունները ընդհանուր առմամբ հաշվետու ժամանակահտվածում ապահովել են շուրջ 750 աշխատատեղ։ Ըստ նախարարի տեղակալի Հայաստանի Հանրապետության Էկոնոմիկայի նախարարությունը պարբերաբար մոնիթորինգ է իրականցնում վերը նշված կազմակերպություններում։ Վերջում նախարարի տեղակալն ընգծել է, որ «աշխատանքի տեղերի առումով մենք գերազանցել ենք մեր սպասելիքները»։