հինգշաբթի, 12 օգոստոսի 2010
Նոր փաստաթղթեր` Երևան քաղաքի բնակելի տներին
Այսօր Հայաստանի կառավարության նիստին հաջորդած ճեպազրույցի թեման կառավարության կողմից “Երևան քաղաքում իրավունք հաստատող փաստաթղթերը չպահպանված անհատական բնակելի տների կարգավիճակի մասին” օրենքի փոփոխությունների մասին էր:
Թեմայի վերաբերյալ պարազաբանումներ է տվել ՀՀ կառավարությանն առնթեր անշարժ գույքի կադաստրի պետական կոմիտեի նախագահի տեղակալ Աշոտ Մուսոյանը: Ըստ նրա դեռևս 2008 թվականից այս օրենքը գործում է. Երևան քաղաքում պահպանվել էին բնակելի տներ, որոնք օրինական կառուցված են եղել սակայն ժամանակի ընթացքում իրավունքի պահպանման մասին փաստաթղթեր պահպանված չեն եղել: Դրա անհրաժեշտությունը բխում է «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» ՀՀ օրենքից և «Երևան քաղաքում իրավունք հաստատող փաստաթղթերը չպահպանված անհատական բնակելի տների կարգավիճակի մասին» ՀՀ օրենքի փոփոխություններից, որոնցով Երևան քաղաքում անհատույց վերականգնվող հողամասերի սահմանաչափի փոփոխման դրույթը տարածվում է հանրապետության բոլոր համայնքների վրա։ Աշոտ Մուսոյանը նշել է, որ Երևան քաղաքի համար սահմանվել է 300 քառակուսի, այլ քաղաքային բնակավայրերի համար` 400, իսկ գյուղական բնակավայրերի համար 1000 քառակուսի մետր:
