հինգշաբթի, 9 սեպտեմբերի 2010
Պասկևիչի կամրջի հարակից տարածքը` ագրոզբոսաշրջության կենտրոն
Այսօր կառավարության նիստից հետո մամուլի կենտրոնում տեղի ունեցած ճեպազազրույցի թեման նիստում հավանության արժանացած Վայքի քաղաքային համայնքի Պասկևիչի կամրջի հարակից տարածքում ագրոզբոսաշրջային մասնագիտացված համալիրի ստեղծման ծրագրիրն էր: Թեմայի մասին պարզաբանումներ է տվել քաղաքաշինության նախարար Վարդան Վարդանյանը: Նա նշել է, որ բացի կամրջի հարակից տարածքից տրամադրվել է մոտ 7-8 հա տարածք, քաղաքաշինական գործունեության վերահսկսելու և 150 տեղանոց հյուրանոցային համալիր կառուցելու համար: Այս նախագիծը ուղղված է Հայաստանում զբոսաշրջության տարածաշրջանային զարգացմանը: Նախարարը տեղեկացրել է, որ այդ տարածքում կազմակերպվելու է գյուղմթերքների արտադրություն ու զարգացվելու է հայկական ավանդական արհեստները, կառուցվելու են գյուղմթերքների արտադրություն համապատասխան արտադրամասեր: Ծրագրի իրականացման շրջանակներում նախատեսվում է հարակից գյուղական բնակավայրերի ագրոզբոսաշրջության առումով առավել արժեքավոր տները որպես հյուրատներ վերակառուցելն, ինչը նպաստելու է հարակից բնակավայրերի բնակչության բարեկեցությանը:
Վարդան Վարդանյանը նշել է, որ «մոտավոր հաշվարկներով սկզբնական փուլում նախատեսվում է մոտ 10 մլն ԱՄՆ դոլարին համարժեք ՀՀ դրամի ներդրում, բայց քանի որ կա զարգացման միտում, բոլոր նախապայմանները ստեղծել ենք, որ հետագայում ավելի մեծ ներդրումներ լինեն»:
