Հայաստանի Հանրապետության Կառավարություն

Լսել աուդիոնյութը

Կառավարության մամուլի կենտրոնում այսօր լրագրողների հետ հանդիպել է Արադարադատության նախարար Հրայր Թովմասյանը ներկայացրել է նախարարության գերակա ուղղությունները ծրագրերն ու անելիքները: Ըստ նախարարի մշակվել է ՀՀ արդարադատության համակարգի բարեփոխումների 2012-2016 թվականների ռազմավարական ծրագիրը, որի նպատակն է լինելու առնվազն կրկնակի անգամ նվազեցնել արադատության նկատմամբ անվստահության մակարդակը: Ինչպես հաղորդում է Արդարադատության նախարարը նշել է, որ ներկայում դատական համակարգի նկատմամբ անվստահությունը կազմում է 70-80 տոկոս, որը ծրագրով նախատեսվում է կրճատել 30-40 տոկոսի: «Ծրագրով նախատեսվում են մի շարք գործողություններ, որոնց թվում են լինելու պատասխանատվության ենթարկելու մեխանիզմների հստակեցումը, դատավորների գնահատման համակարգի ներդրումը, պայմանական վաղաժամկետ ազատման գործընթացումներում չարաշահումների բացառումը և այլն»,- ասել է Թովմասյանը: Նրա խոսքով՝ դատական համակարգի բոլոր մեխանիզմները` թափանցիկություն, դատական աշխատողների պատասխանատվություն, նրանց աշխատանքի գնահատում, պետք է գտվնեն բարձր մակարդակի վրա, ինչը թույլ կտա հայտնաբերել դատական սխալն ու հասկանալ դրա պատճառները:
Թովմասյանի տեղեկացմամբ՝ ստեղծվել է արդարադատության նախարարությանն առընթեր Եվրոպական դատարանի նախադեպերի փորձագիտական խումբ, որն ուսումնասիրում է Մարդու իրավունքների եվրոպական դատարանի՝ Հայաստանի հետ կապ ունեցող վճիռները: Դրա նպատակն է լինելու, որպեսզի 3-4 տարիների ընթացքում վերացվեն այն դեպքերը, երբ ՀՀ-ն ՄԻԵԴ-ում կպարտվի՝ օրենսդրական բացի պատճառով: Ուսումնասիրության արդյունքում կվերացվեն հայաստանյան օրենսդրության անհամապատասխանությունները:
Հայաստանի արդարադատության նախարարության 2012 թվականի գերակա ծրագրերից մեկը քաղաքացիներին մատուցվող ծառայությունների մակարդակի բարձրացումն ու բյուրոկրատական քաշքշուկների վերացումն է լինելու: Նախարարի տեղեկացմամբ՝ առաջիկայում նախատեսվում է ստեղծել հանրային ծառայությունների մատուցման գրասենյակներ, որտեղ քաղաքացիները կսպասարկվեն առավելագույնը 10 րոպեի ընթացքում: Գրասենյակներից հնարավոր կլինի ստանալ անձնագրերը, կատարել նոտարական գործարքներ և իրավաբանական անմձանց գրանցում և այլն: «Վերը նշված ծառայությունները քաղաքացին հնարավորթյուն կունենա ստանալ նաև էլեկտրոնային տարբերակով: Գրասենյակները կմատուցեն արդարադատության նախարարության տարբեր մարմինների կողմից իրականացվող 80-90 տոկոս ծառայությունները»,- նշել է Հրայր Թովմասյանը:

Մանրամասները աուդիոնյութում