Հայաստանի Հանրապետության Կառավարություն

Այս գրեթե դասական դարձած կարգախոսը «Ժողովուրդը» շատ բառացի է հասկացել` ոչ միայն իր տարատեսակ «աղբյուրներից» տեղեկություն քաղելով, այլև դրանից շռայլորեն բաժին հանելով իր ընթերցողին` «Վարչապետը թիրախավորել է անհնազանդ պաշտոնյաներին»:
«168 ժամը» հավաստիացնում է, որ «հայաստանյան արտարժութային շուկայում անորոշություն է տիրում», «Առավոտը» զգուշացնում է, որ կենսաթոշակային բարեփոխման գործընթացից պետք է հրաժարվել, «այլապես նոր թափ կառնի արտագաղթը», «ՀԺ»-ն արտագաղթի մեկ այլ պատճառ է մատնանշում` 2013-ի պետբյուջեի նախագիծը, «Հրապարակը»` որ «տրանսպորտի նախարարությանը չի հետաքրքրում Փոթիի գործադուլը», «Առավոտը» և «Ժամանակը» բողոքում են գիտության անբավարար ֆինանսավորումից, «Ազգի» նամակագիրն առաջարկում է 2013-ից վճարել նաև 1-ին, 2-րդ և 3-րդ կարգի 70 տարին անց հաշմանդամների ավանդները: Բողոքում են նաև պատմության մի քանի տասնյակ հուշարձանները Երևանում ցուցադրելու կառավարության որոշման դեմ («ՀԱ», «Ժողովուրդ»), ՀԱԿ տնտեսագետ Վահագն Խաչատրյանը` թե ԱՊՀ երկրները ինչ դրական բան են գտել ՏՄՊՊ հանձնաժողովի աշխատանքում («Հրապարակ»): «Գոլոս Արմենիին» զարմացնում է նավթարդյունահանման ոլորտը կանոնակարգելու կառավարության նոյեմբերի 1-ի որոշումը` «պետությունը հանգամանորեն կարգավորում է մի ոլորտ, որը… գոյություն չունի»: Փոխվարչապետների թիվը երեքի հասցնելու մտադրությանը այս թերթը չի առարկում: «Առավոտը» լուսաբանում է ԵրՃՇ համալսարանի հոբելյանը, ինչպես նաև տեղեկացնում, որ «Ժողովուրդների բարեկամության» այգի հիմնելու վարչապետի հանձնարարությունը չի կատարվում: