շաբաթ, 24 նոյեմբերի 2012
Ասում և լսում են
«Սերմերի մասին» օրենքի փոփոխությունների վերաբերյալ խորհրդարանական լսումների և գյուղնախարարի տեղակալի մամուլի ասուլիսի օրերը համընկել էին, ուստի լրագրողները, ինչպես նաև պատգամավորներն ու ՀԿ-ների ներկայացուցիչները, լիուլի բավարարել են իրենց հետաքրքրասիրությունը: Ահա վերնագրերը. «Սերգո Կարապետյանը սերմերից չէր ուզում խոսել» («Առավոտ»), «Նախարարը սպառնում էր փախչել» («Ժողովուրդ»), «Հաջողությամբ փակված գյուղատնտեսական տարի» («ՀՀ»), «Մթերումների ծավալներն այս տարի ավելացել են» («Ազգ»), «…Որպեսզի պտուղն ու բանջարեղենն աճեն այնքան, որքան պետք է» («Նովոյե վրեմյա»), «Իրավո՞ւնքն ինչ ցավս է» («ՀԺ»):
Նախկին պատգամավոր Վարդան Բոստանջյանը բնութագրում է եկող տարվա բյուջեն` «Նահանջելու տեղ այլևս չկա» («168 ժամ»), «Հայոց աշխարհն» իր ընթերցողին բացատրում է, թե հարկային բարեփոխման շնորհիվ ինչ է շահելու կամ կորցնելու հարկատուն` «Հարկային փաթեթի հմայքները», «Ժողովուրդի» դիտարկմամբ ՀՀ նախագահի քննադատությունից հետո առողջապահության ոլորտի «իրավիճակը ցայսօր մնում է չկարգավորված», «Գոլոս Արմենիին» հավաստում է, որ դեկտեմբերին սիլիկոնային հովտում տեղի ունենալիք «Հայթեք կոնգրեսը» Հայաստան կբերի նոր տեխնոլոգիական ներդրումներ:
