շաբաթ, 19 հունվարի 2013
Կասկածում ես, ուրեմն` կաս
Կասկածը համակել է ոչ միայն «Հրապարակին», որը իր իսկ էջերում տպագրված ՏԲՎՏ կենտրոնի հոդվածում «բազմաթիվ վիճելի կետեր» է հայտնաբերել, այլև «168 ժամին», ըստ որի երկրի տնտեսական անցուդարձն, իբր, չի հետաքրքրում «բնակչության մեծ մասին», «Ժողովուրդին», որը փորձում է ի մի բերել 2012-ի «արտագաղթի» տվյալները:
ՀՀ նախագահի երեկվա այցը ՊԵԿ և այդ կառույցին տված բարձր գնահատականը` «Եթե տեսանելի է առաջընթացը` պետք է գնահատել» («ՀՀ»), «ՊԵԿ-ը կատարել է իր խնդիրը» («ՀԱ»), կասկածելի են թվում «Ժամանակին», որի կարծիքով այս կոմիտեն շարունակում է իր «կամայական աշխատաոճը»: «ՀԺ»-ն նույնպես կասկածում է, որ իրականություն կդառնա Հյուսիս-հարավ տրանսպորտային միջանցքը, մինչդեռ «ՀՀ»-ի («Միջազգային ժամանակակից հաղորդակցություն»), «Գոլոս Արմենիի» («Երկար սպասված մեկնարկ») և այլ լրատվամիջոցների նյութերից կարելի է տեղեկանալ, թե իրականում ինչ է կատարվել Արմենիա-Մարիոթ հյուրանոցում:
«ՀԺ»-ն տպագրել է 85-ամյա կենսաթոշակառուի նամակը, որն ուղղված է ՀՀ նախագահին. խնդիրը ավանդի փոխհատուցումն է: Մինչ այդ դիմումատուն դիմել էր նաև ՀՀ վարչապետին: Թոշակառուն համոզված է, որ իր նամակը կստորագրեն «տասնյակ հազարավոր նախկին ավանդատուներ»:
