Հայաստանի Հանրապետության Կառավարություն

«DOING Reforms. Կառավարությունը շարունակում է բարելավել բիզնես միջավայրը», - գրել է «Գոլոս Արմենիին», անդրադառնալով նախորդ երկու տարիների ձեռքբերումներին և 2013 թվականին իրականացվող միջոցառումներին: Թերթի մեկնաբանի կարծիքով ծրագրված քայլերը կյանքի կոչելու պարագայում Հայաստանը ևս մի քանի կարևոր քայլ կկատարի Doing business-ի գնահատման սանդղակում, իսկ դա կնշանակի, որ «գործարարությամբ զբաղվելը Հայաստանում դառնում է ավելի դյուրին և հաճելի…»: «168 ժամում» հրապարակված հոդվածում նշվել է Ազգային մրցունակության հիմնադրամի ծրագրով Ուռուցքաբանության գերազանցության հայկական կենտրոնի կառուցման «մեծ թափով առաջ գնացող» աշխատանքների մասին:
«Ժողովուրդը» («Մնաց անվտանգությունը նվիրեն ՍՊԸ-ներին») և «Օրակարգը» («Էկզոտիկայի շարքից. գործադիրը կանխում է կրկնակի հարկումը Մալայզիայի հետ») անդրադարձել են կառավարության այսօրվա նիստի օրակարգի հարցերի:
«168 ժամը» արձագանքել է Եվրամիության կողմից «շրջանակաձև միգրացիային և վերաինտեգրմանը» աջակցելու նպատակով Հայաստանին ֆինանսական աջակցության տրամադրման իրողությանը` «1 միլիոն եվրոյով` 1 միլիարդ եվրոյի գործ», «Օրակարգը» ներկայացրել է «Արմինֆո» գործակալության հետ Ernst & Young աուդիտորական գործակալության երևանյան գրասենյակի ղեկավար Էրիկ Հայրապետյանի հետ զրույցը` «Ներդրողն ուզում է վստահ լինել, որ իր ներդրումներին վտանգ չի սպառնում», «Ժամանակը»` փոխանցել գինեգործների միության նախագահ Ավագ Հարությունյանի և «Գինեգործների ակնկալիքը նոր կառավարությունից` «կանգնեք գինու կողքին»:
Տաքսի ծառայության ոլորտում նախատեսվող նոր փոփոխությունների և կառավարության որոշման դեմ վարորդների բողոքի ակցիային իր անդրադարձը «168 ժամը» խորագրել է «Քնից զարթնում` նոր օրենք են գրում», «Հայկական ժամանակը» թե` «ԲՀԿ-ի ակցիան տապալել է»` նկատի ունենալով վարորդների հետ Տրանսպորտի և կապի նախարարի հանդիպումը և համապատասխան փոփոխությունների ըստ ամենայնի մեկնաբանությունը:
«Ազգը» և «Օրակարգը» ներկայացրել են լրագրողների հետ Սևանա լճի հիմնախնդիրների հանձնաժողովի նախագահ Վլադիմիր Մովսիսյանի երեկվա հանդիպումից մանրամասներ («Սևանա լճի մակարդակը շարունակելու է բարձրանալ» և «Սևանը ծփում է Արարատյան դաշտում»): «Հայոց աշխարհը» տեղեկացրել է, որ «գազի ներքին սակագինը կմնա անփոփոխ», «Հայկական ժամանակը»` փոխանցել Սպառողների միության նախագահ Արմեն Պողոսյանի հայտարարությունը, թե «Զատիկի տոնի հետ կապված սպառողական զամբյուղի անհրաժեշտ ապրանքները 10 տոկոսի սահմաններում է թանկացել»: