հինգշաբթի, 25 ապրիլի 2013
Սպասումների խորհուրդը
«Օրակարգը» անդրադարձել է պետական կարիքների համար իրականացվող կապիտալ ծախսերի կանոնակարգման և պետական բյուջեի արդյունավետ օգտագործման նպատակով կառավարության այսօրվա նիստին Ֆինանսների նախարարության ներկայացրած որոշման նախագծին և գրել, որ «ֆիննախում որոշել են միջամտել «պետպատվերով կապիտալ շինարարությանը»: «Հայոց աշխարհը» արձագանքել է ֆինանսական համակարգում տեղի ունեցող գործընթացներին և նշել, թե չնայած «արժութային շուկան անհանգիստ է», այդուհանդերձ ԿԲ-ը «լռություն է պահպանում» («ֆինանսական ոլորտում «ճգնաժամ» է հասունանում»):
«168 ժամը» դիտարկել է սոցիալական ցանցերում Երևանի քաղաքապետի պաշտոնին հավակնող Վարդան Օսկանյանի՝ տնտեսության վերաբերյալ ելույթները՝ դրանք որակելով ընտրողներին համոզելու փորձ, որ «ինքը նաև տնտեսական գործիչ է» («Խելք-խրատ տալու ժամանակը»): «Հրապարակը» հետամուտ է եղել վարչապետի պաշտոնում Տիգրան Սարգսյանի վերանշանակման առիթով ԱԺ տարբեր խմբակցությունների ներկայացուցիչների գնահատակններին («Սերժ Սարգսյանի ինքնաշեն սիմվոլները»), «Ժողովուրդը»՝ վերստին անդրադարձել «Շրջանառության հարկի մասին» օրենքին՝ այն որակելով «նոր մահակ՝ փոքր և միջին բիզնեսի համար»:
«Օրակարգը» տեղեկացրել է, որ ԱՎԾ կողմից 2014թ. սկսվող «գյուղատնտեսության հաշվառման համար կծախսվի մոտ 2 մլրդ դրամ», «Ժողովուրդը»՝ ըստ «ճաշակի յուրո» անդրադարձել Էկոնոմիկայի նախարարի պաշտոնակատար Տիգրան Դավթյանի գործունեությանը:
