չորեքշաբթի, 22 մայիսի 2013
Փոփոխության պահանջը-2
Կառավարության ծրագրի խորհրդարանական քննարկումն ունեցել է հետևյալ տեսքը. «Իրատեսական և պրագմատիկ» («ՀՀ»), «Քննադատությունը երբեմն արդարացի չէ, երբեմն էլ՝ ամբոխահաճությամբ լի» («ՌԱ»), «Տիգրան Սարգսյան կամ՝ պերեստրոյկա հայկական ձևով», «Ամեն ինչ՝ բացի ծրագրի բուն քննարկումից» («Հրապարակ»), «Խմբակցությունների ներկայացուցիչների կարծիքը», «Կառավարության խոստումներն ու իրականությունը. դրանք երբեմն շատ հեռու են իրարից», «Ընդդիմությունը բռնել էր ու բաց չեր թողնում կառավարության «օձիքը» («ՀԱ»), «Պատժել է պետք, ոչ թե հավանություն տալ», «Կյանքը Հայաստանում կթանկանա 4-6%-ով» («Ժողովուրդ»), «Չհնչած հարցեր», «Կառավարության ծրագրի «լույսն» ու «ստվերը» («Առավոտ»), «Թղթի վրա շատ են գրում», «Կառավարությունը դեռ ծիծաղում է», «Ն.Փաշինյանի ելույթը» («ՀԺ»), «Հայաստանի կառավարությունն ավելի պահպանողական է, քան նույնիսկ ԱՄՀ-ն. Վարդան Օսկանյան» («Օրակարգ»):
«Հայկական ժամանակում» տպագրված «Հանգուցյալ կենսաթոշակառուների հարցի լուծումը» հոդվածում ներկայացվել են «էլեկտրոնային թոշակ» համակարգի առավելությունները, նշվել, որ «այլևս հանգուցյալների անուններով թոշակներ յուրացնելը ևս անհնար է»: «Օրակարգը» «խնդրահարույց» է որակել եվրապարտատոմսերի թողարկման մասին կառավարության որոշումը և կարծիք հայտնել, թե իբր գործադիրը «դիմում է ծայրահեղ քայլի» և «պարտավորությունները վերաֆինանսավորելու է ավելի թանկ միջոցներով» («Կառավարել ռուսական վարկը»): «Հրապարակը» վերստին անդրադարձել է «Ամբերդ գետի վրա կառուցված և կառուցվող ՀԷԿ-երի» պատճառով տարածաշրջանի մի քանի համայնքների բնակչության դժգոհությանը», «Իրավունք-հետաքննությունն» ու «Հայկական ժամանակը»՝ գազի թանկացման թեմային և ավերիչ կարկուտից տուժած գյուղացիների վնասների փոխհատուցման հնարավոր եղանակներին:
