Հայաստանի Հանրապետության Կառավարություն

«Գոլոս Արմենիին» արձանագրել է, որ կառավարության 2013–2017թթ. ծրագիրը գրված չէ ծույլերի ու ճակատագրապաշտների համար. այն միտված է մարտունակ ու մրցունակ պետության ստեղծմանը. «Ինչպես ենք ապրելու այսուհետ. կառավարությունը նախատեսում է մտածելակերպի հեղափոխություն անել»։ «Ազգը» անդրադարձել է կառավարության խոստումներին ու նպատակներին, առաջիկա չորս տարիների սպասելիքներին։ «Նովոյե վրեմյան» և «Հայոց աշխարհը» շարունակել են ներկայացնել ծրագրի և ծրագրի խորհրդարանական քննարկումների վերաբերյալ տեսակետներ («Մտածողության հեղափոխություն կարող է անել էլիտան», «Անձնական ու խմբակային ղալմաղալի մշակույթը» և այլն)։
«Առավոտը» փոխանցել է, որ «կառավարությունը հաշվարկել է, որ կարկուտը 25 միլիարդի վնաս է տվել», նաև հավելել խորհրդարանում գյուղնախարարի երեկվա վստահեցումը, որ «օգնությունը տուժած գյուղացիներին կլինի 2-3 միլիարդ դրամի չափով»։ Թեման արծարծել են նաև «Հայաստանի Հանրապետությունը», «Ժողովուրդը», «Հայկական ժամանակը» և «Հրապարակը»։
«168 ժամին» հետաքրքրել է, թե «Ե՞րբ է ռուսական կողմը բարձրացրել գազի սակագինը», մի այլ հրապարակման մեջ էլ տեխ. գիտ. դոկտոր Վահագն Համազասպյանը հայտարարել է, թե իբր «Գազի այլընտրանքը ձեռնտու չէ իշխանություններին»։
«Ժողովուրդը», նկատի ունենալով Էներգետիկայի և բնական պաշարների նախարարի հայտարարությունը, թե «Իրանն ավելի բարձր գին է պահանջում գազի դիմաց», հարցրել է՝ «Ինչո՞ւ են հայերը «թանկացնում» իրանական գազը», «Հայոց աշխարհը»՝ գրել, թե գազի «սակագները սպասվածից արագ են ուրվագծվել»։
«Ժողովուրդը» նշել է, թե «Արմավիան» 7 ամիս աշխատավարձ չի վճարել», «168 ժամը» հավելել, թե իբր «Արմավիայի» օդաչուներն արտագաղթում են երկրից», «Հայկական ժամանակը»՝ նախ «գուժել», թե «դեղորայքի գնաճի տեմպն արդեն սարսափազդու է», հետո էլ, մի այլ հրապարակման մեջ, ըստ «ճաշակի յուրո գնահատել» անցած հեռուստաշաբաթը։