շաբաթ, 1 հունիսի 2013
Գնաճ և այլ մարտահրավերներ
Արձանագրելով, որ 12-ամսյա գնաճը հասել է 5,2 տոկոսի, «ՀԱ»-ն և «Ազգը» կանխատեսում են, որ էներգակիրների առաջիկա թանկացումը կարող է վատթարացնել վիճակը: ԱՎԾ մեկ այլ տվյալ է մատնանշում «ՀԺ»-ն՝ «օտարերկրյա ներդրումները նվազել են 12 տոկոսով»: Արտագաղթի խնդիրն է արծարծում «Ժամանակը», «Հրապարակը» կարևորում է երկրի ոսկու պաշարի վերականգնումը, որին կողմ է նաև Հրանտ Բագրատյանը, «Գոլոս Արմենիի» կարծիքով երկրի առջև ծառացած խնդիրների լուծման տեսակետից կառավարությունն ավելի շատ պետք է թարմացվեր: «168 ժամը» քննարկում է այն հարցը, թե «արժե՞ Հայաստանը դարձնել «նոր Հոլանդիա»:
ՀՀ վարչապետի՝ Մինսկում քննարկած հարցերից «Ժամանակը» և «ՀԺ»-ն առանձնացրել են Մաքսային միությանն ինտեգրվելու վերաբերյալ վարչապետի արտահայտած մտքերը:
«Ժողովուրդն» անդրադարձել է «Մամուլը մեր մասին» էջում տեղ գտած դիտարկումներին:
