շաբաթ, 27 հուլիսի 2013
«Երկաթե նժույգը» կրկին Հայաստանում է
Ո՞վ կարող էր մտածել, որ տրակտորին այս անունը շնորհելուց 80 տարի անց հայ գյուղացին նույնքան կարիք է ունենալու իր «ձիուկը» փոխարինել ժամանակի հրաշք մեքենայով: Եվ ահա բելառուսական տրակտորները եկել են՝ «Ազգ», «Նովոյե վրեմյա»: «Գոլոս Արմենիին» իր հերթին շեշտը դնում է մեր գյուղացու աշխատասիրության վրա՝ «Երկրին հարկավոր են ոչ թե չինովնիկներ, այլ մասնագետներ»: Թերթը նաև նկատում է, որ Հայաստանի տնտեսությունում ուրվագծվում է նոր, լավ մոռացված առաջնորդ՝ արդյունաբերական համալիրը, որն արդեն ՀՆԱ-ի նկատմամբ աճում է արագ թափով: Այս իրողությունը հույս է ներշնչում, որ մեր երկրի անկում ապրած փոքր քաղաքները կվերականգնեն զարգացման կորսված հեռանկարը՝ «Դեպրեսիայի պարադիգմը»:
Մամուլի օրակարգում մնում է տնտեսական եվրաինտեգրման հարցի քննարկումը. «ՀԱ»-ի հարցրերին պատասխանում է պրոֆեսոր Թաթուլ Մանասերյանը:
Տնտեսության ոլորտին յուրովի է արձագանքել «Ազգը»՝ մի ամբողջ էջ նվիրելով թեմատիկ կոմիքսներին:
