հինգշաբթի, 1 օգոստոսի 2013
Համարժեք և ոչ համարժեք գնահատականներ
«Գոլոս Արմենիին» շարունակել է մտորումները անարդյունավետ սեփականատերերի արտադրական ակտիվները գործարկելու՝ կառավարության կողմից նախապատրաստվող քայլերի շուրջ. «Վերագործարկում. ինչպես ճիշտ «կախել» դամոկլեսյան սուրը անարդյունավետ սեփականատերերի վրա»:
«Հայոց աշխարհը» վկայակոչել է Ազգային վիճակագրական ծառայության դիտարկումները և նշել, որ «հուլիսին 12-ամսյա գնաճը Հայաստանում հասել է 8,5 տոկոսի»: Գնաճին և այս տարվա առաջին կիսամյակի սոցիալ-տնտեսական ցուցանիշներին իր անդրադարձը «Հայկական ժամանակը» խորագրել է «Լուռ բարձրաձայնենք», «Ժողովուրդը»՝ «123 հազար արտագաղթող տնտեսական աճի պայմաններում», «Ժամանակը» («Արտագաղթի հին չափիչները») «որոշել» թե՝ քանի որ «թվերով է առավելապես ուսումնասիրվում երևույթը», ուստի «բոլոր մակարդակներում արտագաղթի վերաբերյալ վերաբերմունքը յուրովի ոչ ադեկվատ է»:
«Ժողովուրդը» արձագանքել է Սարդարապատ համայնքի ամբուլատորիայի բացման երեկվա արարողությանը ՀՀ վարչապետ Տիգրան Սարգսյանի մասնակցության մանրամասներին: Մի այլ հրապարակման մեջ թերթը հայտարարել է, թե կոռուպցիայի դեմ պայքարի հարցում «վիրահատական մեթոդները չեն կիրառվում»:
