ուրբաթ, 16 օգոստոսի 2013
Պետությունից անդին
ՀՀ պաշտպանության նախարարության «Հայ զինվոր» պաշտոնաթերթը «Աշխարհաքաղաքականություն» խորագրով հոդվածաշար է տպագրել՝ «Պետության և ցանցային կառույցների դիմակայությունը», «Մարտահրավեր պետականությանը», «Պետականության վախճանը»: Արդի միջազգային իրողություններն ու քաղաքականությունը քննարկվում են «ցանցային կառույցների» ներգործության համատեքստում: Հոդվածներում մեջբերումներ են արվել նաև Տիգրան Սարգսյանի «Պետության վախճանը» գիտական հոդվածից:
Լուսաբանելով բերքահավաքի ընթացքը, «ՀՀ»-ն փաստում է, որ մեր երկրին «զարգացող գյուղատնտեսություն է հարկավոր. այդ ուղղությամբ արվում են քայլեր, մշակվում՝ ռազմավարություն ու ծրագրեր»: Այս տարվա առատ բերքի մթերման մասին է գրում նաև «Ժողովուրդը», որի վկայությամբ պահածոյի գործարանը «պտղաբույծներից դեղձ է ընդունում մեկ կիլոգրամ կարտոֆիլից և մեկ լիտր հանքային ջրից մոտ չորս անգամ էժան գնով»:
Հիշեցնելով, որ կառավարությունը իր նիստում պարտավորվել էր ըստ ոլորտների անդրադառնալ տնտեսական աճի ցուցանիշներին, «Ժողովուրդը» անհամբերություն է ցուցաբերում՝ օր առաջ իմանալու վերլուծության արդյունքները:
Ասոցացման համաձայնագրի տեքստը հրապարակելու պահանջով ֆեյսբուքում ծավալված շարժմանը ՀՀԿ-ականների մասնակցությունը հարուցել է «Հրապարակի» տարակուսանքը: Մնացածը հումոր է:
