Հայաստանի Հանրապետության Կառավարություն

Անդրադառնալով կառավարության այսօրվա նիստի օրակարգին, «Հայկական ժամանակը» նշել է, որ դրանում ընդգրկված են Երևանի կենտրոնի «միանգամից հինգ հատվածների նկատմամբ «գերակա շահ» սահմանելու մասին նախագծեր» և այն «որոշել» որակել «Աղճատում փաթեթով»։ «Ժամանակը» հավելել է, որ նիստում քննարկվելու է «սոցապնախարար Արտեմ Ասատրյանի ներկայացրած գենդերային նոր օրինագիծը» («Կառավարությունը տեղի տվեց. գենդերային աղմկահարույց օրենքը փոխվում է»)։
«168 ժամը» ներկայացրել է Եվրահանձնաժողովի պատվերով նիդերլանդական Ecorys կազմակերպության կատարած հետազոտությունը՝ «Տնտեսապես ի՞նչ կշահի Հայաստանը՝ ընտրելով եվրոպական ուղին. Ecorys-ի վելուծությունը»։ «Հայոց աշխարհը» գրել է, որ «Հայաստանում տնտեսական ակտիվության տեմպի դանդաղումն ուղեկցվում է վարկային շուկայի պասիվացմամբ», «նվազել է նաև բանկերի շահութաբերությունը»։
«Առավոտը» արձագանքել է «Սահմանադրության փոփոխության շուրջ» քննարկումների թեմային «հավակնոտ» հարցմամբ («Վարչապետ Սերժ Սարգսյանի մոտ նախագահ ո՞վ կաշխատի»), «Հայկական ժամանակը» սահմանադրական հնարավոր փոփոխությունների վերաբերյալ զրուցել ՍԴ նախագահ Գագիկ Հարությունյանի հետ («Դրանք միայն խոսակցություննե՞ր են»), «Հրապարակը»՝ «որոշել», թե իբր «ճանապարհային ոստիկանությունն իսկական նախճիր է կազմակերպել», եկել է «տեսախցիկները հանելու ժամանակը» և այլն։
«Ժողովուրդը» արտագաղթի թեմային իր անդրադարձը խորագրել է «Էլ չի կատակի»։ Մի այլ հրապարակման մեջ թերթը ըստ ճաշակի յուրո փորձել է «վերծանել» «պատվիրված և իրական լրագրության» սահմանները։ «Առավոտը» փոխանցել է ազատամարտիկ Սուրեն Սարգսյանի տեսակետը, ըստ որի «Կոմիտաս 5-ի և Տարոն Մարգարյանի դեմ շարժումը ուղղորդված է», և որ դրանք լավ բանի չեն բերելու։