հինգշաբթի, 26 սեպտեմբերի 2013
Տնտեսական օգուտներին սպասելիս
«Տնտեսական օգուտներն անկասկած են. Մաքսային միությանը անդամակցելու որոշումն անսպասելի չէր», նկատել է «Հայաստանի Հանրապետությունը», վկայակոչելով մասնավորապես «Երևան-Մոսկվա» տեսակամուրջի մասնակից տնտեսագետների և հասարակական-քաղաքական գործիչների տեսակետները: ՄՄ-ը միանալու շուրջ «Ժամանակը» զրուցել է ԿԲ նախկին նախագահ Բագրատ Ասատրյանի («Իսկ Սերժ Սարգսյանը Փարիզի կամ Բեռլինի քաղաքապետներին շնորհավորե՞լ է») և քաղաքագետ Ստեփան Գրիգորյանի («Երևանը հասկացավ, որ Մաքսային միությունում Հայաստանը ոչինչ չունի») հետ, «168 ժամը» նշել, թե «Սերժ Սարգսյանը ԵԽԽՎ-ում կպատասխանի Մաքսային միություն մտնելու վերաբերյալ հարցերին», նաև հավելել, որ «Մոսկվայում հրճվում են, որ Հայաստանը չի նախաստորագրելու Ասոցացման համաձայնագիրը»: Թեմային անդրադարձել է նաև «Ժողովուրդը»:
«Հայկական ժամանակը» արձագանքել է «Moody’s» գործակալության՝ Հայաստանի արտարժութային արժեթղթերի վարկանիշի վերաբերյալ գնահատականին («Անկեղծությանը սպասելիս»), «Հայոց աշխարհը» փոխանցել է ԿԲ-ի կանխատեսումը՝ «գնաճի նվազում», «168 ժամը»՝ ներկայացրել եվրաբոնդերի թողարկման վերաբերյալ նախկին վարչապետ, այժմ՝ ԱԺ պատգամավոր Հրանտ Բագրատյանի տեսակետը՝ «Ես սա տնտեսական սատանայություն եմ համարում»:
