Հայաստանի Հանրապետության Կառավարություն

«Ժամանակը» զրուցել է կառավարության աշխատակազմի ղեկավար-նախարարի հետ. գլխավոր թեման գնաճն է և տնտեսության աճը: «Ժողովուրդը» փոխանցում է իր ընթերցողների դժգոհությունը Երևանի քաղաքապետարանի N 19 և N 2 բուժմիավորման պոլիկլինիկաներից և մեղադրում առողջապահության նախարարին: «Հրապարակը» արձագանքում է մի երիտասարդի ինքնասպանությունը կանխած ԱԻ նախարարի հետագա քայլերին. նախարարը հնարավոր ինքնասպանին աշխատանքի է ընդունելու: Նույն թերթը, նկարագրելով ԿԱ ճարտարապետության պետական կոմիտեի նախագահի` կառավարության երեկվա նիստում ներկայացրած հարցը, որի քննարկմանը մասնակցել է նաև արդարադատության նախարարը, եզրակացնում է. «Նարեկ Սարգսյանի երազանքը ձախողվեց»:
Վարչապետի աշխատանքային օրացույցի որոշ մանրամասներին են անդրադառնում «Հայացքը», «Ժողովուրդը» և «Հրապարակը», իսկ կառավարության նիստի օրակարգի հարցերին` «Հրապարակը», «Հայացքը», «ՌԱ»-ն, «ՀԺ»-ն և «Ազգը»: «ՀՀ»-ն, մասնավորապես անդրադարձել է կառավարության երեկվա որոշումներից մեկին` «Արտահանման հետ կապված ռիսկերը ստանձնող կա. դրա համար գործադիրը ապահովագրական կազմակերպություն է ստեղծում»:
«Իրավունքը» շարունակում է եկող տարվա պետբյուջեի քննարկումը` արծարծելով այն հարցը, թե «Ի՞նչ է գալիք տարի պետբյուջեն տալու էկոնոմիկային»:
«Հայոց աշխարհը» ներկայացրել է, թե ըստ քաղաքագետ Խաչիկ Գալստյանի «Ինչ հեռանկար է սպասվում Հայաստանին Մաքսային միությունում», արձագանքել ձվի շուկայում առկա վիճակին («Որտեղ փնտրել ձվի թանկացման պատճառները»), նաև փոխանցել երեկ լրագրողների հետ հանդիպման հրավիրված «Քարակերտ» գործարանի տնօրենների խորհրդի նախագահ Սուրեն Գևորգյանի տեսակետները ոչ մետաղական հանքանյութերի մշակման չօգտագործվող հնարավորությունների մասին` «Հայաստանի հնարավոր բրենդը դեռ մնում է թաղված»:
«Ժամանակը» մտահոգություն է հայտնել, թե «Հայաստանի տնտեսական կախվածությունը տրանսֆերտներից մեծանում է, ինչը երկրի տնտեսությունը դարձնում է խոցելի» («Տրանսֆերտների ծավալով աշխարհում 6-րդ ենք»):