հինգշաբթի, 31 հոկտեմբերի 2013
Բյուջե 2014-ը քննության շեմին
«ՀՀ»-ն նշել է, որ ԱԺ հանձնաժողովներում շարունակվում են բյուջետային քննարկումները և մասնավորապես կարևորել, որ գալիք տարվա ֆինանսական գլխավոր փաստաթղթում «Ավելացվել է նաև գիտության ոլորտի ֆինանսավորումը»: Բյուջետային քննարկմանն անդրադարձել են նաև «Նովոյե վրեմյան», ՀԱԿ խորհրդարանական Լևոն Զուրաբյանի «տեսակետների արտահայտման մասով»՝ «Հայոց աշխարհը» («Կառավարությունը գողացել է ՀԱԿ-ի ծրագիրը, որ ի՞նչ անի»), «ՀԺ»-ն, «Ժողովուրդը». «Ազգը» և «Առավոտը» ներկայացրել են «բյուջե 2014-ի և այլ տնտեսական հարցերի» վերաբերյալ ՀԳՀՄ նախագահ Գագիկ Մակարյանի տեսակետները:
«Հրապարակը»՝ «Ինչի՞ հաշվին են աճում հարկային մուտքերը» հոդվածում հայտարարել է, թե «խոշոր հարկատուների… ուղղակի հարկերն ավելի քիչ են», և դրանց «չափն անգամ չի հասնում միջին ցուցանիշներին»: Այս տարվա հունվար-սեպտեմբեր ամիսների խոշոր հարկատուների հարկային մուտքերի վերաբերյալ ՊԵԿ-ի հրապարակմանն արձագանքել է նաև «168 ժամը» («Ապակոդավորում». Ովքեր են իրական ամենախոշոր հարկատուները» և «Հենց այսպես էլ հարկվում ենք»), «Հայոց աշխարհն» էլ համադրել է ու գնահատել ՀԲ-ի և Միջազգային ֆինանսական կորպորացիայի օրերս հրապարակած զեկույցի՝ Հայաստանի գործարար միջավայրի վերաբերյալ տվյալները («Գործարար միջավայրը բարելավվում է, բայց տնտեսական գործընթացները դանդաղում են»):
«168 ժամը» ՓՄՁ զարգացման խորհրդի երեկվա նիստին անդրադարձը խորագրել է «Նոր սերնդի» ՀԴՄ-ների ներդրման ժամկետը կերկարաձգվի»: «Ժամանակը» հայտարարել է, թե Հայաստանից «Վերջին 5 տարում մոտ 200 հազար մարդ է արտագաղթել», որին ձայնակցել է «Առավոտը» («Շինիչ առաջարկ կառավարությանն ու խորհրդարանին»):
«ՀՀ»-ն անդրադարձել է Արարատյան արտեզյան ավազանի ջրօգտագործման հիմնախնդիրներին և դրանց լուծման նպատակով նախատեսված կառավարության միջոցառումներին:
