ուրբաթ, 21 մայիսի 2010
«Հավաքեք ձեզ» կամ Հրանտ Բագրատյանի ինտելեկտուալ զրույցները
Նախկին վարչապետն այս անգամ ևս հեշտությամբ պատասխանել է լրագրողների տված հարցերին, անդրադարձել հանրությանը հուզող մեծ ու փոքր խնդիրներին: Նա նախկինի պես կառավարության ծրագրի մեջ որևէ քայլ չի տեսնում, չի լսել, որ «Հունաստանի իրադարձություններից հետևություն անելով` կառավարությունը հավաքվի, քննարկի կամ ի վիճակի լինի որևէ ինտելեկտուալ զրույց տանի թեմայի շուրջ» («Առավոտ»): Ահա և մյուս թերթերի հոդվածները. «Հավաքեք ձեզ. Հրանտ Բագրատյանը` Արմեն Աշոտյանին և Նաիրա Զոհրաբյանին» («Կապիտալ»), «Ճգնաժամին սպասելիս» («Հայք»), «Եթե կառավարությունը ոչինչ չանի 10-12% աճ ստանալու էին, բայց դժբախտաբար անելու են» («Ժամանակ»): «Հայկական ժամանակը» մի քանի մասի է բաժանել Բագրատյանի արտահայտած մտքերը և դրանք տեղադրել տարբեր էջերում` «Բագրատյանի բողոքը» (8-րդ էջ), «Կառավարությունը պետք է գներ եվրո և վաճառեր այն. սեպտեմբեր-հոկտեմբերին նոր ճգանաժամ է սպասվում» (3-րդ էջ), «Արբուն» (1-ին էջ): Կոնյակին վերաբերող կառավարության այս վերջին որոշումը բանախոսի կարծիքով «ծանր հետևանքներ կունենա արտադրության համար»: Այնուհետև շարունակելով իր ինտելեկտուալ դիտարկումները, Բագրատյանն զգուշացրել է, որ «կոնյակի արտադրության ճյուղը այս հիմար որոշման արդյունքում փլվելու է» և հավելել` «իսկ միգուցե ՀՀ կառավարությունը հենց դա է ցանկանում»: Եվ այլն:
