չորեքշաբթի, 27 ապրիլի 2011
Բանկային համակարգի կայունությունը
«Կապիտալի» վկայությամբ երեկ հրավիրված ասուլիսում ԿԲ-ի կայունության և զարգացման վարչության պետ Վահե Վարդանյանը, ներկայացնելով անցած տարվա իրավիճակը նշել է, որ «Հայաստանի ֆինանսական համակարգի կայունությունը պահպանվել է բավարար մակարդակի վրա», անդրադարձել դրա ներքին ու արտաքին ազդակներին, հավաստիացրել, որ այդ կայունությունը կպահպանվի, «եթե չլինեն արտառոց զարգացումներ, ինչը քիչ հավանական է»: Ասուլիսին անդրադարձել են նաև «Հայոց աշխարհը» («Հայաստանին ֆինանսական անկայունություն չի սպառնում»), «Հայկական ժամանակը» («ԿԲ-ն խռովության մասնագետ») և «Ազգը» («Հայաստանի բանկային համակարգը բավականին կայուն է»), որը մի այլ հրապարակման մեջ լուսաբանել է նաև աղետի գոտում իրականացվող բնակարանների բաշխման գործընթացները և տեղեկացրել, որ կառավարության համապատասխան որոշմամբ «բազմանդամ ընտանիքների տնակները չեն քանդելու»:
«Երկիրը» ներկայացրել է գյուղատնտեսական խնդիրների վերաբերյալ տնտեսագետ Արսեն Պետրոսյանի տեսակետը, թե դրանք օրենսդրական են, քանի որ այսօր տակավին «անհայտ է, թե որն է գյուղացու իրավական կարգավիճակը»:
«Հայոց աշխարհը» նավթի և գազի պաշարներ չունեցող Հայաստանի տնտեսական զարգացման առաջնահերթություններից մեկը համարվող հանքարդյունաբերության առաջընթացը պայմանավորել է երեք կարևոր գործոններով ու նշել դրանք:
