չորեքշաբթի, 1 հունիսի 2011
Ընդդիմության «արտահերթն» ու գնաճը
Օրվա մամուլում ՀԱԿ-ի հանրահավաքի լուսաբանումը յուրօրինակորեն խորհրդանշել է «Առավոտը»` «Ընդդիմությունը արտահերթ է պահանջում»: «Ժամանակը» ներկայացրել է Լևոն Տեր-Պետրոսյանի ելույթը: «Իրավունք հետաքննությունը» փորձել է «ճշգրտել» «Ազգային համաձայնություն» կուսակցության ղեկավար Արամ Հարությունյանի հայտարարությունը ՀԱԿ-ի և իշխանությունների միջև երկխոսության միջնորդավորված լինելու մասին:
«Կապիտալը» նշել է, որ, ի հեճուկս ԿԲ-ի ջանքերի, «սպառողական գները կրկին աճում են», և հատկապես թանկացել են բենզինն ու դիզվառելիքը»:
«Հայկական ժամանակը» հավելել է, թե «Գնաճն անվերահսկելի է» և փորձել դա ապացուցել` ըստ յուրո «վերլուծելով» ԱՎԾ երեկվա հրապարակումը այս տարվա առաջին հինգ ամիսների սպառողական գների մասին, «Ժամանակը»` անդրադարձել օտարերկրյա ներդրումների վերաբերյալ վիճծառայության հրապարակմանը («Ասեք շնորհակալություն Սաակաշվիլիին»):
«Ազգը» գրել է, որ «որքան էլ տարօրինակ է», հաստատված «նոտարական ծառայությունների սակագները» դարձյալ ունեն միջակայք և ներկայացված են սանդղակով: «Առավոտի» փոխանցմամբ սննդի ներմուծմամբ և արտահանմամբ զբաղվող տնտեսվարողներին և լրատվամիջոցին պարզաբանում տալուց խուսափում է Սննդի անվտանգության տեսչության պետ Գրիգոր Գրիգորյանը, պատճառաբանելով, թե «շատ զբաղված է»: «Հայոց աշխարհը» անդրադարձել է «Քաղաքաշինության մասին» օրենքում փոփոխություններ և լրացումներ կատարելու վերաբերյալ նախագծի խորհրդարանական լսումներին («Փորձ է արվում շտկել խառնաշփոթ իրավիճակը»):
