Հայաստանի Հանրապետության Կառավարություն

ՀՀ նախագահ Սերժ Սարգսյանի մոտ միգրացիոն քաղաքականությանը նվիրված երեկվա խորհրդակցության մանրամասներին լրատվամիջոցների արձագանքը բուռն է, մեկնաբանությունները` տարաբնույթ: Ահա հրապարակումների վերնագրերը. «Զանգվածային արտագաղթ Հայաստանից չկա» («Հայաստանի Հանրապետություն»), «Պետք է կասեցնել արտագաղթի ընթացքը, այլ ճանապարհ չկա» («Հայոց աշխարհ»), «Միջոցներ ձեռնարկել` արտագաղթը կասեցնելու ուղղությամբ» («168 ժամ»), «Երբ Սերժ Սարգսյանը գիտե, թե ինչ է լինելու հետո» («Ժամանակ»), «Արտագաղթի թեման երբեմն ուղղակի շահարկվում է» և «Օգոստոսին կառավարությունը կներկայացնի միգրացիոն ոլորտի «Ազգային ծրագիր» («Ազգ»), «»Ո՞ւմ հայելին է ծուռ» և «Ծեծված թեմա» («Երկիր»):
«Ազգը», վկայակոչելով 2011թ. հունիս ամսվա Հայաստանի սոցիալ-տնտեսական ցուցանիշների վերաբերյալ ԱՎԾ երեկվա հրապարակումը, գրել է, որ տնտեսության ակտիվության ցուցանիշը նախորդ տարվա նույն ժամանակահատվածի համեմատ գրանցել է 2.3 տոկոս աճ: Թեմային անդրադարձել են նաև «168 ժամը» («Ինչպես դիվերսիֆիկացնել անկումը») և «Հայոց աշխարհը», ըստ որի «տնտեսական ակտիվությունը «պասիվանում է»:
«Քոչինյանը վերադառնո՞ւմ է». հարցրել է «Առավոտը», փոխանցելով իբր «շրջանառվող լուրերը» Լոռու այլևս նախկին մարզպետ Արամ Քոչարյանի «պաշտոնից ազատվելու» մասին: «Հրապարակի» և «Ժամանակի» փոխանցմամբ` ՀՀ գլխավոր դատախազ Աղվան Հովսեփյանը երեկ «դիմել է ՀՀ վարչապետ Տիգրան Սարգսյանին` առաջարկելով քննարկման առարկա դարձնել Գավառի քաղաքապետ Գուրգեն Մարտիրոսյանի հետագա պաշտոնավարման նպատակահարմարության հարցը»: «Հայացքի» հետ զրույցում ՀՅԴ-ական խորհրդարանական Արծվիկ Մինասյանը անդրադարձել է տնտեսության վիճակին և կարծիք հայտնել, թե Հայաստանում տնտեսական ճգնաժամի հետևանքով առաջացած «անկումն ավելի փոքր էր, քան այն ռեսուրսներն էին, որոնք միջազգային կառույցներից ներգրավվեցին տնտեսության մեջ», վարկային ռեսուրսների գերակշիռ մասն ուղղվեց... «բացառապես բանկային համակարգ», ինչի արդյունքում «բանկային համակարգը հարստացավ», սակայն «դրանից Հայաստանի քաղաքացին օգուտ չստացավ»: