երեքշաբթի, 2 օգոստոսի 2011
Ամառվա յուրօրինակ ազդակները
«Հայոց աշխարհը» գրել է, որ ինչպես և սպասվում էր, հուլիս ամսին գնաճը զգալիորեն մեղմացել է, թեև հատկապես պարենային ապրանքների դեպքում դրանց 12 ամսյա գնաճը դեռևս գերազանցում է 10 տոկոսը: «Իրավունքը», անդրադառնալով թեմային, ներկայացրել է գնանկման վերաբերյալ ԱՎԾ հրապարակած տվյալները, սակայն նաև եզրակացրել, թե` «Հարվածենք բանջարեղենով թանկացումներին»: «Հայկական ժամանակը» գրել է, թե 2002-2008թթ. և հետագա տարիներին տնտեսության ոլորտում «կառավարությունը ոչինչ չի արել», սակայն նաև ներկայացրել է պաշտոնական վիճակագրության դիտարկումը տնտեսական աճի վերաբերյալ` 2-3 տոկոս:
«Առավոտում», դիմելով ՀՀ վարչապետին, «նախկին ֆիզիկայի ինստիտուտի նախկին աշխատակիցը» թերթում տպագրված «Աղմուկ ոչնչից» հոդվածի «Գիտության պետական կոմիտեն պատասխանում է» հատվածի առիթով նշել է, թե «Ձեզ նորից խաբում են»:
«Ով է վարչապետի հաջորդ թեկնածուն». հարցրել է «Հրապարակը», որի պատկերմամբ իբր «կառավարության հնարավոր լուծարման մասին» լուրերը այս օրերին շարունակվում են:
