Հայաստանի Հանրապետության Կառավարություն

«Հայաստանի Հանրապետությունը» անդրադարձել է զբոսաշրջության զարգացման մի շարք հիմնահարցերի, նշել, որ այս տարվա առաջին կիսամյակի ցուցանիշները վկայում են «զբոսաշրջային հոսքերի 15 տոկոս աճի մասին», ի մասնավորի առանձնացրել «զբոսաշրջային զարգացման լուրջ խոչընդոտները» (կենցաղային աղբ և այլն)։ Արձագանքելով թեմային «168 ժամը» հարցրել է՝ «Տուրիզմը զարգանո՞ւմ է»։ Երկու այլ հրապարակումներում թերթը նախ փորձել է պարզել, թե արդյոք իրականությանը համապատասխանում են հայկական կապիտալի՝ դեպի Վրաստան արտահոսքի մասին լուրերը («Ո՞ր ուղղությամբ են հոսում փողերը»), ապա հայտարարել, որ ընթացիկ տարվա յոթ ամիսների ընթացքում նախորդ տարվա նույն ժամանակի համեմատությամբ «գնաճը 9,4 տոկոս է»՝ ձգտելով դա հակադրել վարչապետ Տիգրան Սարգսյանի կանխատեսմանը, որ հուլիս-օգոստոս ամիսներին կլինի գնանկում։
«Առավոտի» փոխանցմամբ, խոսելով Երևանի փողոցային առևտրի կանոնակարգման նպատակով ընթացող աշխատանքների և առկա բողոքների մասին, նախկին քաղաքապետ Վահագն Խաչատրյանը ասել է. «Քաղաքապետը «դրայվ» է ստանում, իսկ երևանցիները՝ ցավ»։ Մամուլում այս օրերին շարունակվող կրպակապատումին միացել է նաև «Գոլոս Արմենիին»՝ «Կառավարությունը ինքնազբաղված է՝ ապամոնտաժ»։
«Լավ կլինի կառավարությունը ոչինչ չանի». երեկ հրավիրված մամուլի ասուլիսում Հրանտ Բագրատյանի հերթական յուրօրինակ հայտարարությունը չի շրջանցել «Հրապարակը»՝ համանուն վերտառությամբ հոդվածում անդրադառնալով նախկին վարչապետի՝ ներկայիս կառավարության գործունեության քննադատությանը։ Ասուլիսին արձագանքել են նաև «Հայկական ժամանակը» («Միլիարդս տարան» և «Գիտեն, բայց չեն անի»), «168 ժամը» («Եթե երկխոսությունը մնա բաց») և «Առավոտը» («Ուր է գնում սփյուռքի օգնությունը»)։
«Հայկական ժամանակը» տեղեկացնելով, որ կառավարության այսօր կայանալիք նիստի օրակարգում Գավառի քարաքապետ Գուրգեն Մարտիրոսյանի վերաբերյալ «հարց կրկին ընդգրկված չէ», գրել է՝ «դատախազին մերժեցին»։ Մի այլ հրապարակման մեջ թերթը շարունակել-ավարտել է ՀԱԿ-ի հիմնավորման տպագրությունը։