շաբաթ, 3 սեպտեմբերի 2011
«Ինձ համար դու միակն ես...»
ՀՅԴ գործչի կարծիքով իր կուսակցությունը «միակ ուժն է, որ բարձրաձայնեց և օրինական ճանապարհով պահանջում է կառավարության հրաժարականը» («Ժողովուրդ»): Մյուս գործիչը սույն կուսակցության իրարամերժ (թերթի ձևակերպումն է) հայտարարությունները համարում է նույն տրամաբանությունից բխող` «ՀՅԴ-ն պատրաստվում է իշխանափոխության»: Մեկ այլ կուսակցություն` ԱԺՄ-ն, «168 ժամի» կարծիքով, «ծյունինգ» են անում, և այդ գործընթացն, իբր, տեղի է ունենում «ՀՀ վարչապետ Տիգրան Սարգսյանի «բարձր հովանու ներքո»: Վարչապետին վերագրվող խոսքերից մեջբերում անելով են իրենց համապատասխան նյութերը «կառուցել» «Ժողովուրդը» («Հակահեղափոխական») և «ՀԺ»-ն («Մտածիր, նոր ծիծաղիր»): «Նովոյե վրեմյային» հետաքրքրել է գիլյոտինի ներմուծման գաղափարը` «Պետական ապարատը կոռուպցիայից գիլյոտի՞նը կփրկի»:
ԱՄՆ դոլարի շուկայական վարքագիծը տարբեր տեսանկյուններից են քննարկում «Հրապարակը» («Դոլարն էժանանալու փոխարեն թանկանում է») և «Հայոց աշխարհը» («ԿԲ-ն չի ցանկանում թուլացնել ազգային արժույթը»): «Գոլոս Արմենիի» վերլուծականը նվիրված է երկրի տնտեսության ս.թ. հուլիս ամսվա ձեռքբերումներին և կորուստներին, իսկ «ՀԺ»-ի հաշվարկով մենք պարտվում ենք ոչ միայն հայ-թուրքական քաղաքական, այլև տնտեսական հարաբերություններում, այն էլ «խոշոր հաշվով»:
