շաբաթ, 24 սեպտեմբերի 2011
Չի ճանաչում, չի շնորհավորում, չի թույլատրում
Խոսքն, իհարկե, Վրաստանի մասին է. այս երկիրը ոչ միայն չի ճանաչում ԼՂՀ ՏԻՄ ընտրության արդյունքները, այլև շինծու պատճառաբանությամբ դադարեցրել է բնական գազի մատակարարումը Հայաստան, ինչպես նաև տևական ժամանակ է, ինչ թույլ չի տալիս զենք-զինամթերքի տարանցումը Ռուսաստանից Հայաստան («ՀԺ»): Հարևան երկրների տնտեսական հարաբերություններին են անդրադառնում նաև «Հրապարակը» («Դե պարզ է, թե HSBC-ն ինչու է լավ զգում ՀՀ-ում և վատ` Վրաստանում») և «Առավոտը» («Բա ասում էիք Վրաստանում լա~վ է, տեսնո՞ւմ եք, ինչեր կան»):
Որոշ թերթեր շարունակում են անհամաձայնություն հայտնել կառավարության վերջին նիստում վարչապետի արտահայտած մտքերին. «Համարյա «Wikileaks»-ի նման» («168 ժամ»), «Աննախադեպ ստաճ» («ՀԺ»): «Հայոց աշխարհն» էլ արձանագրում է, որ «Տրանսֆերտներն ավելանում են` շարունակելով ֆինանսավորել արտաքին առևտուրը»: «Երկիրը», խորամուխ լինելով ՀՀ նախագահի` բարեփոխման խորհուրդ ստեղծելու հրամանագրի մանրամասների մեջ, եզրակացնում է, որ «փաստորեն այս «պրոյեկտն» առաջին հերթին իրագործվում է արտաքին գրանտային միջոցներ ստանալու համար»:
