շաբաթ, 1 հոկտեմբերի 2011
Կողմ, դեմ, ձեռնպահ...
Չնայած կառավարության որոշմամբ հստակեցված է, որ կառավարության շենքի գմբեթը կառուցվելու է, ճարտարապետների միությունը քվեարկության է դրել այդ հարցը և բացասական եզրակացություն ստացել` 13 կողմ, 127 դեմ, 4 ձեռնպահ («Հրապարակ»): Ճարտարապետ Անահիտ Թարխանյանն առաջարկել է «հստակ լուծում»` թող կառավարությունն իր անդամների թիվը կրճատի, և գմբեթ կառուցելու կարիք չի լինի: Ըստ երևույթին սա ամենաողջամիտ կամ ամենասրամիտ առաջարկն է եղել, քանի որ բուռն ծափեր է կորզել հայրենի ճարտարապետներից:
Սակայն մամուլի միտքն առավելապես զբաղված է բյուջեով և ԱՎԾ հրապարակած վիճակագրական վերջին տվյալներով. «Ճերմակ ձիավորը և բյուջեն» («Հրապարակ»), «Տնտեսական ակտիվության փուլի մասին» («Առավոտ»), «Երկուսն էլ մի բոյի» («ՀԺ»), «Գնաճը դարձյալ անցավ գրոհի» («Հայոց աշխարհ»), «Վարչապետը դրդում է հարկային տեռորի» («168 ժամ»), «Սոցփաթեթ սպիտակ օձիքավորների համար», «Առանց քաղաքական «համեմունքների» («Գոլոս Արմենիի»), «Կենսաթոշակին յոթ դոլար ավելացնելը ամսական մեկ կիլոգրամ միս է անում» («Նովոյե վրեմյա»):
