Հայաստանի Հանրապետության Կառավարություն

Դատելով որոշ լրատվամիջոցների հրապարակումներով, այդպիսի տարբերություն ամենևին չկա: 2012-ի անցած տասնօրյակը բնութագրվում է նույն որակումներով. «Ամանորն ու աճը. ինչպես է որկրամոլությունը նպաստում տնտեսական ակտիվությանը», «Դրամը տարին արժեզրկմամբ է սկսում» («Օրակարգ»), «Վիճակագրության և իրականության միջև», «Ում համար աճ, ում համար` անկում» («Երկիր»), «Կլոր թվերի հմայքը» («ՀԺ») և այլն: Իսկ եթե հավատանք պատգամավոր Արծվիկ Մինասյանին, ապա «Իշխանությունները վարում են կույրի քաղաքականություն» («Ժամանակ»):
2011թ. արդյունքները դրական համարող լրատվամիջոցներից են «Հայոց աշխարհը» («Հարկային մուտքերի ցուցանիշները կատարվեցին»), «Ազգը» («Ովքե՞ր են օգտվելու սոցիալական փաթեթից»):
Իսկ ահա Քաջարան գյուղին առնչվող թնջուկը նախորդ տարվա «մնացուկ» է. «Քաջարանի շուրջը որևէ սակարկություն չի կարող լինել» («Ազգ»), «Քաջարան գյուղը մեզ համար հայրենիք է, որը սակարկելի չէ» («Հրապարակ»): 2011-ից է փոխանցվել նաև տիկին Գործունյանի մեկնելու թեման, որը ՀՀ վարչապետը բացատրել է հարկերը չվճարելու հանգամանքով, ինչը «վրդովեցրել» է տիկնոջը` «Գործունյանը կդիմի՞ ԵԴ` ընդդեմ ՀՀ-ի» («ՀԺ»):
Միջկուսակցական և ներկուսակցական խնդիրները նորովի է փորձում մեկնաբանել «Հրապարակը» («Կոալիցիոն միասնությունն ու ամանորյա տոպրակները»): Նույն թերթը համառորեն չի հրաժարվում կյանքի իրողությունները հումորով ներկայացնելու սովորույթից` չմոռանալով նաև տալ կառավարության անունը:
«Առավոտը» հրապարակել է «գիտության ոլորտի հետ կապ ունեցող մարդկանց վարկանիշային սանդղակը», որը հեղինակել է www.sociology.am կայքը: