Հայաստանի Հանրապետության Կառավարություն

«Հայաստանի զրուցակիցը» համոզված է, որ «բացառությամբ շինարարության ոլորտի», անցյալ տարի Հայաստանում «մակրոտնտեսական ցուցանիշներով դրական ցուցանիշներ են արձանագրվել», և եթե «կյանքի կոչվի թեկուզ կեսն այն ամենի», ինչը նկարագրված է կառավարության կողմից «հաստատված արդյունաբերության զարգացման ռազմավարությունում», ապա «արդյունքներն իրականում տպավորիչ կլինեն»։ »Հայաստանի Հանրապետությունում» Հայրենական ապրանք արտադրողների միության նախագահ Վազգեն Խաչիկյանը հավելել է, որ «Հայաստանի արդյունաբերությունն այս տարի կզարգանա», և «դրան կնպաստի պետություն-մասնավոր գործընկերությունը», տնտեսագետ Թաթուլ Մանասերյանը, անդրադառնալով «համաշխարհային ֆինանսատնտեսական ճգնաժամի 2-րդ փուլի առանձնահատկություններին» («արտաքին պարտքային ճգնաժամ» և այլն), կանխատեսել է «ճգնաժամի երկրորդ ալիքից» օգուտների հնարավորություն,միաժամանակ առաջարկելով «տնտեսությունն առավել մրցունակ դարձնելու քայլեր»։
«Դրամի թուլացումը շարունակվում է», արձանագրել է «Հայոց աշխարհն» ու հավելել, որ ԿԲ-ը «կամա-ակամա ստիպված է լինելու մերթ ընդ մերթ մտնել արժութային բորսա և դոլար վաճառել»՝ փոխարժեքի շուկան «գոնե ժամանակավոր հավասարակշռված վիճակում պահելու համար»։ «Երկիրը», անդրադառնալով ժամանակին, ճգնաժամի հաղթահարման նպատակով, ստեղծված օպերատիվ շտաբի գործունեությանը, նշել է, որ շտաբը «օժանդակել է տնտեսության իրական հատվածի ընդամենը 21 ընկերությունների», թեև «ծրագրերով ներկայացված հայտերի թիվը անցնում էր 300-ը»։
«Հայաստանի զրուցակիցը» մտահոգվել է, որ «Հայաստանում աղքատների թիվն ավելանում է» և փորձել ճշտել, թե «ո՞վ է մեղավոր, և ինչ պետք է անել»։
«Ժամանակը» բարձրաստիճան պաշտոնատար անձանց էթիկայի հանձնաժողովի վերաբերյալ իր վերաբերմունքն արտահայտելու եղանակը «գտել է»՝ «Կամրջի պռիկին», «Հայոց աշխարհը», հակառակը, վստահ է, որ «նորաստեղծ էթիկայի հանձնաժողովը կարող է արդյունավետ օղակ դառնալ կոռուպցիայի դեմ պայքարում»։
«Հայացքը» փոխանցել է տնտեսության ներկա և հետագա անելիքների վերաբերյալ տարբեր կուսակցությունների (ՀՀԿ, ՀՅԴ, ՀԱԿ և «Ազատ դեմոկրատներ») ներկայացուցիչների տեսակետները, «Առավոտը» նրանց երեկվա այդ հանդիպմանը անդրադարձել է «ՀՀԿ պատգամավորի խոստովանությունը« գողտրիկ հրապարակմամբ։