հինգշաբթի, 10 մայիսի 2012
Հետընտրական բազմակարծություն
Օրվա մամուլում ակտիվ քննարկումներ են ընթանում ինչպես անցած ընտրությունների, այնպես էլ առաջիկա ներքաղաքական զարգացումների շուրջ: «Առավոտը», հիշատակելով լրագրողների հետ ՀՀ վարչապետ Տիգրան Սարգսյանի երեկվա հանդիպման մանրամասները, տեսակետ է հայտնել, որ «ՀՀԿ-ն հակված է կոալիցիա կազմելու»: «Ժամանակին» առավելապես հետաքրքրել է ԲՀԿ-ի «հետընտրական» դիրքորոշումը` «Ընդդիմությո՞ւն, թե՞ կոալիցիա ՀՀԿ հետ. որտե՞ղ կլինի Բարգավաճ Հայաստանը» և «Ոչ մի «թիզ» կոալիցիա ՀՀԿ-ին»: «168 ժամը» փորձել է պարզել, թե «որքան գումար են ծախսել քաղաքական ուժերն ու թեկնածուները խորհրդարանական ընտրությունների վրա» («Աննախադեպ» ընտրության գինը») և… ի վերջո հանգել տխուր եզրահանգման «Լավատեսական ողբերգություն» հրապարակման մեջ` «…առավել իրատեսական կարելի է համարել գնաճի սպասումը»: Թեմային «Ժամանակի» հետ զրույցում անդրադարձել է նաև նախկին վարչապետ և ներկայիս խորհրդարանական Հրանտ Բագրատյանը` հիրավի շատ «խորհրդանշական» հայտարարությամբ` «Կեղծ ընտրությունները լավ կառավարության ձևավորում չեն խոստանում»: «168 ժամը» «շարունակվող պոպուլիզմ» է որակել «սոցիալապես անապահով ընտանիքների սպառած գազի սուբսիդավորման ժամկետը ևս մեկ տարով երկարաձգելու մասին» կառավարության այսօրվա նիստում սպասվող որոշումը:
Մայիսի 9-ի եռատոնին նվիրված շքահանդեսից հետո լրագրողների հետ ՀՀ վարչապետ Տիգրան Սարգսյանի հանդիպմանն անդրադարձել են «Ժողովուրդը», «Ժամանակը», «168 ժամը». «Հրապարակը», նկատի ունենալով խորհրդարանի ընտրության ավարտը, գրել է` «Իշխանությունը քառատոն էր նշում:
