երեքշաբթի, 7 օգոստոսի 2012
Օրակարգում և օրակարգից դուրս
«Ժամանակը» ներկայացրել է Հայաստանի` ԵվրԱզԷՍ-ին անդամակցելու խնդրի վերաբերյալ Գլոբալացման և տարածաշրջանային համագործակցության վերլուծական կենտրոնի ղեկավար Ստեփան Գրիգորյանի դիտարկումները («ԵվրԱզԷՍ-ին անդամակցելու առումով ռուսական ճնշում կլինի՞ Հայաստանի վրա»): «Ժողովուրդը» տնտեսության զարգացման, արդյունաբերության ոլորտում գրանցված բարձր աճի և կառավարության տնտեսական քաղաքականության մասին News.am-ի հետ զրույցում էկոնոմիկայի նախարար Տիգրան Դավթյանի արտահայտած տեսակետներին անդրադարձել է «Պրոակտիվ պրոֆանիզմ» հրապարակմամբ, ի մասնավորի նշելով նաև, թե ըստ նախարարի «Օրակարգում ոչ ԵՄ-ին, ոչ էլ ԵվրԱզԷՍ-ին անդամագրվելու հարց չկա»: «Հրապարակը» շարունակել է «քննել» համազգային թատրոնի շենքի կառուցման տեղի «թեման» («Եկեղեցի և թատրոն` մետրոյի կայարանների հաշվին»): Մի այլ հրապարակման մեջ թերթը զրուցել է ճարտարապետ Սահակ Ներսիսյանի հետ («Հնարավոր է նաև լավը կառուցել»):
